Жаңалықтар 11.07.2019 сағат 11:31

Халықтың несібесін жегенді құдай жазасын берсін – Айгүл Орынбек

«Кәсіпкерлер, қаншама азаматтар ақша аударды. Арыстың қайғысын, өз бас пайдаларына пайдаланып жатқан жемқорлардың отбасылары екі дүниеде де оңбасын!», - деп жазды ол.
Халықтың несібесін жегенді құдай жазасын берсін – Айгүл Орынбек
Фото: juldyz.kz
Бөлісу
Бөлісу
Бөлісу

Блогер әрі заңгер Айгүл Орынбек Арыс халқынан түсіп жатқан шағымның көп екенін айтты. 

«Арыс оқиғасы әлі біраз адамды әбігерге салары анық! Халықтан түсіп жатқан шағым көп! Әсіресе, Нұр-Сұлтан қаласының сектор жұмысына риза емес!», - деді ол.

Айгүл Орынбектің айтуынша, билік тарапынан арыстықтарға берілген уәде дұрыс орындалмай жатыр.

«Жарылысты Арыс халқы қолдан жасаған жоқ! Алғашында билік «бәрін орнына келтіріп береміз» деп уәдені үйіп төккен еді. Қазір сол уәделері су сепкендей басылып келеді. Халық та барынша сабырлық танытып, бәріне көнуде. Халық көнді екен деп тыға берудің қажеті қанша?», - деді блогер. 

Сондай-ақ, ол Арыс халқына жіберілген қаржылай көмекті өз пайдасына шешіп жатқан жемқорларға шүйлікті.

«Кәсіпкерлер, қаншама азаматтар ақша аударды. Арыстың қайғысын, өз бас пайдаларына пайдаланып жатқан жемқорлардың отбасылары екі дүниеде де оңбасын! Халықтың несібесін жегенді құдай жазасын берсін! Басқа айтарым жоқ!», - деп жазды Айгүл Орынбек Facebook-парақшасында.
 

Оқи отырыңыз

загрузка...

Соңғы жаңалықтар

Қызықты материалдар