Жаңалықтар 12.07.2019 сағат 15:15

«Атажұрт еріктілері» бірнеше айдан бері үйқамақта отырған Серікжан Біләшті босатуды талап етті

Таңертең оннан бастап президент әкімшілігі кеңсесінің алдына жиналғандарға полицейлер бірнеше мәрте келіп, құжат көрсетулерін талап етті.
«Атажұрт еріктілері» бірнеше айдан бері үйқамақта отырған Серікжан Біләшті босатуды талап етті
Бөлісу
Бөлісу
Бөлісу

12 шілдеде Нұр-Сұлтанда «Атажұрт еріктілері» қоғамдық ұйымының мүшелері бірнеше айдан бері үйқамақта отырған Серікжан Біләшті (төлқұжатында – Бияш) босатуды талап етіп, Қазақстан президенті Қасым-Жомарт Тоқаевқа хат жолдады, деп жазады Азаттық.

Таңертең оннан бастап президент әкімшілігі кеңсесінің алдына жиналғандарға полицейлер бірнеше мәрте келіп, құжат көрсетулерін талап етті.

«Атажұрт еріктілері» белсендісінің бірі Мелетхан Айтқалиұлының айтуынша, мұндай арыздарды олар былтырдан бері бірнеше мәрте Жоғарғы сотқа, Ішкі істер министрлігіне, Қазақстанның бұрынғы президенті Нұрсұлтан Назарбаевтың атына жолдағанымен ешқандай жауап алмаған.

«Серікжан Біләш қамауға алынғалы бері Қытайдағы қаншама отбасы қорғаусыз отыр. Серікжанда еш жазық жоқ. Тағылған айыптар негізсіз. Серікжанға бостандық беруді талап етеміз. Қазақстан президенті Қасым-Жомарт Тоқаев мырзаның осы хатымызға тездеп жауап беріп, Серікжан Біләшті 10 тамызға дейін бостандыққа шығаруын сұраймыз», - деді хатты тапсыруға келгендердің Мелетхан Айтқалиұлы.

12 шілдеде Алматыда да бір топ белсенді Қазақстан билігінен Серікжан Біләшті қамаудан босатуды талап еткен.

Серікжан Біләшті 2019 жылы 10 наурыз түнде Алматыдағы қонақ үйлердің бірінде жатқан жерінен полиция өкілдері ұстап, Нұр-Сұлтанға алып кеткен. Дәл сол күні «Атажұрт еріктілері» ұйымының Алматыдағы кеңсесін полиция тінтіп, жауып тастап, 2 сәуірде қайта ашылды. Кейін Біләштің үстінен бір адамның «Ұлт араздықты қоздырды»  деп арыз жазғанын, сол арыздың негізінде ұсталғаны айтылды. 11 наурыз күні сот Біләшті екі айға үйқамаққа алу туралы шешім шығарды. Кейін оның мерзімі 10 маусымға дейін ұзартылды. Ал 7 маусымда сот Біләштің үйқамақтағы уақытын 10 шілдеге, кейін тағы да 10 тамызға дейін созды.

Оқи отырыңыз

загрузка...

Соңғы жаңалықтар

Қызықты материалдар