Әйелінің өлі денесін жертөледе сақтаған ер адам ұсталды

Талдықорғандық полиция бөлімі 42 жастағы әйелді өлтіру фактісін анықтады, деп хабарлайды «NewTimes.kz» агенттігі Алматы облысының ПД-нің баспасөз қызметіне сілтеме жасай отырып.

Оқиға 12 шілдеде жалға алынған пәтерлердің бірінде болған. Онда отбасылық жанжал кезінде ер адам әйелін екі рет пышақтаған.

«Қылмысты жасыру үшін азамат өлтіргеннен кейін әйелінің денесін тұрғын үйдің жертөлесіне жасырған. Оған досы көмектескен. Екеуі де ұсталды. Әйелдің өлі денесі табылды. Өлтіру фактісі бойынша тергеу басталды», - деп хабарлады Алматы облысы бойынша ПД-нің баспасөз қызметі.

Министрліктің айтуынша, қылмыс құралы «асхана пышағы» болып шықты. Пышақ айғақты дәлел ретінде ескерілетін болады.