Шымкенттегі ұлттық парк директорының үстінен іс қозғалды

Шымкентте орман шаруашылығы және жануарлар дүниесі комитетінің «Сайрам-Өгем» мемлекеттік ұлттық паркі" РММ бұрынғы бас директорына қатысты сотқа дейінгі тергеу басталды деп хабарлайды ҚР Сыбайлас жемқорлыққа қарсы іс-қимыл агенттігінің қалалық департаментіне сілтеме жасаған KAZ.NUR.KZ.

Ведомство хабарламасында бұрынғы шенеуніктің алаяқтық бойынша күдікке ілінгені жазылды.

Алдын ала жасалған іс материалдарына сәйкес, күдікті қызметтік жағдайын пайдаланып, өзінің орынбасарларынан 460 мың теңге және 800 доллар алған. Шенеунік ол қаражатты жоғарыдағы бастыққа беру керектігін айтқан.

Күдікті өз әрекетін мойындады. Енді оның тағдырын сот шешеді.