Жаңалықтар 29.07.2019 сағат 12:05

ШҚО-да ауыл әкімі үйдің терезесін шағып кіріп, 11 жастағы қызды өрттен алып шықты

ШҚО Төтенше жағдайлар департаментінің мәліметіне қарағанда, оқиға түн ортасында болған.
ШҚО-да ауыл әкімі үйдің терезесін шағып кіріп, 11 жастағы қызды өрттен алып шықты
Фото: Өскен өңір
Бөлісу
Бөлісу
Бөлісу

Шығыс Қазақстанның Глубокое ауданына қарасты Малоубинка ауылдық округінің әкімі 11 жастағы қызды өрттен аман алып қалды, деп хабарлайды ҚазАқпарат. 

ШҚО Төтенше жағдайлар департаментінің мәліметіне қарағанда, оқиға түн ортасында болған. Көрші үйдің жанып жатқанын көрген ауылдық округ әкімі Сергей Сомов ауладан үй иесін жолықтырады. Ауызғы үй жанып жатқандықтан, әжей іште қалған 11 жастағы қызға көмектесе алмай тұрғанын айтады. Әкім терезені шағып кіріп, еденде ес-түссіз жатқан қызды алып шыққан. С.Сомовтың әйелі жасанды жолмен дем берген кезде ғана қыз есін жиған. 

«Бала үйде ессіз жатқан. Сергей Сомов қызды қою түтін арасынан тапқан. Қызыл жалын 70 шаршы метр үйді отқа орады. Отбасы-дәрігерлік амбулаторияның қызметкерлері зардап шеккендерді Өскемен қаласына жеткізді. Қыз бала әуелі жан сақтау бөліміне жеткізілген болатын. Ал әжесі уланып, денесінің 30 пайызын күйік шалған. Қазір екеуінің де жағдайы тұрақты», - делінген департаменттің баспасөз қызметі таратқан ақпаратта.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар