Шымкентте жүрекке күрделі операциялар жасала бастады

Олардың қатарында жаңа туған сәбилер де бар, - деп хабарлайды 24.kz. Ең алғашқы көмек туғанына ай да толмаған Алина есімді сәбиге көрсетілген еді. Жүрек ақауымен дүниеге келген бөбек қазір өзін жақсы сезінеді. Дәрігерлердің айтуынша, ол болашақта спортпен шұғылданып, толыққанды өмір сүреді. Украиналық әріптестерімен бірлесіп жасалатын операциялар тегін. Қазіргі таңда осындай жолмен көмек алған төрт сәбидің жағдайы жақсарып келеді дейді мамандар. «Біз аса күрделі операцияларды жасай отырып, олардың өмір сүруіне мүмкіндік береміз. Шымкенттік мамандардың деңгейін байқағаннан кейін мен осы жердің өзінде-ақ тура Швейцария, Цюрих пен Киевтегідей жағдайда операция жасауға болатынына көзім жетті», - дейді Киев қ. республикалық кардиология және балалар кардиохирургиясы орталығының директоры Илья Емец

Денсаулық сақтау басқармасы басқа да мүдделі мемлекеттік органдармен және аудан, қала әкімдіктерімен бірлесіп, нысан­дардың жағдайын, қосымша нысандарға қажеттілікті анықтау үшін түгелдей денсау­лық сақтау нысандарында түгендеу және паспорттау жұмыстарын жүргізіп келеді. Барлық денсаулық сақтау нысандарының элек­трондық базасы құрылды. Демографиялық ахуал мен ауру-сырқаулық, басты басым­дықтар мен нысандардың жай-күйін есеп­ке ала отырып, облыстық денсаулық сақ­­тау басқармасы күрделі жөндеу жұмыс­тарын жүргізу және құрылыс салу үшін денсаулық сақтау нысандарын іріктеу кри­те­рийлерін әзірленген. Нәтижесінде 2016 жылға дейінгі кезеңге ауыстыруға, жаңадан салуға, күрделі жөндеуге жататын нысан­дар тізбесі анықтал­ды.