Сібірден келген өрт Қостанай аумағына тарады

Ресейден келген өрт Қазақстанның Қостанай облысы аумағына тарады, деп жазады Stan.kz ақпараттық порталы.

«Қарабалық ауданында Талды ауылынан 10 шақырым жерде құрғақ шөп, қайың және көктерек өртенді. Өрт Михайловский орман шаруашылығы мекемесінің аумағында болды. 5 класты өрт қауіптілігі алдын-ала 250 га ауданға тіркелді. Өрт Ресей Федерациясының Челябі облысының шекаралас аумағынан өтті», - деп хабарлады Қостанай облысының ТЖД.

Құрбан болғандар, зардап шеккендер мен қоныс аударған халық жоқ екендігі атап өтілді.

«Өрт 1 тамызда ауыздықталды, 7 тамызда сөндірілді», - делінген хабарламада.

Шілде айында Сібірде ең үлкен орман өрті басталды, олар әскери ұшақтардың көмегімен сөндіруге тырысуда. Сонымен қатар, Ресей билігі жасанды жауын-шашынның пайда болуына қаражат жұмсау туралы шешім қабылдады.

Ресейдің Есеп палатасы биыл орман өрттерінен келтірілген шығын мөлшерін есептеді. Мәселен, 2019 жылдың алғашқы алты айында Ресейде 7,6 мың орман өрті болды, оның шығыны 2,4 миллиард рубльді құрады.

Бұған дейін «Қазгидромет» Сібір өрттерінен шыққан түтін Қазақстан аумағына жетті деген ақпарат жариялаған болатын. Мамандар қазақстандықтарға көшеге көп шықпауға, бетпердемен жүруге кеңес берді.