Алматыда қай көшеде жол апаты жиі болады?

Қалалық қоғамдық кеңесінің төрағасы Рахман Алшанов пен ЖПҚ бастығы Төрехан Исиннің қатысуымен Алматы қаласының жолдарында қауіпсіздікті қамтамасыз ету және өлімді азайтудың қосымша шаралары туралы брифинг өтті, деп хабарлады әкімдіктің сайты.

Полиция департаментінің  мәліметі бойынша соңғы жеті айда Алматы қаласының аумағында жол-көлік оқиғаларында (ЖКО) қаза тапқандардың саны 73-тен 83 адамға дейін (өсім 13,7%) көбейген. Қала аумағындағы апаттық учаскелердің бірі – Алатау ауданының аумағы. Атап айтқанда, Саин (4), Момышұлы (5), Солтүстік айналым (3), Жанқожа батыр (2) көшелері.

Талдау нәтижелері көрсеткендей, жолдардағы өлім-жітімнің негізгі себептері:

• көшелердің жарықтандырылмауы;

• бағдаршамдар мен жаяу жүргіншілер өтпесінің аз болуы, көлік жылдамдығын төмендету үшін жасанды кедір-бұдыр элементтерінің көптігі; қозғалыс қауіпсіздігін бақылайтын бейнекамералардың жеткіліксіздігі.

Осыған байланысты қала әкімдігі Полиция департаментімен бірлесе отырып келесі шараларды қабылдауда:

– жыл соңына дейін 208 көшеге жарық орнату жоспарлануда. 70 жаяу жүргіншілер өтпесіне де жарық қою. Сондай-ақ, ПД-мен бірлесіп криминогендік және апатты учаскелерді жарықтандыру мәселесі жолға қойылды. 2020 жылдың соңына дейін қаланың барлық аулалары мен көшелеріне жарық орнату жоспарлануда;

– бүкіл қала бойынша «Сергек» бейнекамераларын орнату. Қосымша 707 бекет орнатылады; – Жол-көлік оқиғаларына аса бейім 72 учаске қайта құрылатын болады. Бұрылу радиусы қысқартылып, тротуарлар саны мен пандустарды көбейту. Сондай-ақ, статистика бойынша жол-көлік оқиғасын 46%-ға төмендетуге мүмкіндік беретін қауіпсіздік аралдары пайда болады. Қыркүйек айында 50 учаскеде қауіпсіздік аралдары пайда болады;

– реттелмейтін қиылыстарда қосымша 7 бағдаршам нысандарын орнату. 12-ге жуық реттелмейтін жаяу жүргіншілер өтпесіне (мектеп маңы) LED-жарықтандыруды қою жұмыстары аяқталуға жақын. Сондай-ақ, реттелмейтін 3 жаяу жүргіншілер өтпесіне СИ-5 тіректеріндегі белгілермен жабдықтау бойынша жұмыстар аяқталуда;

– көлік құралдарының жылдамдығын мәжбүрлеп төмендету үшін жасанды кедір-бұдырлықтың санын арттыру;

– мектеп маңындағы және адамдар көп жиналатын жерлерде реттелмейтін жаяу жүргіншілер өтпесін орнату бойынша жұмыстар жүргізілуде. Сонымен қатар, қала әкімдігіне қала тұрғындары мен автоәуесқойлар тарапынан жоғары жылдамдықты магистральдарда (ШААЖ, Әл-Фараби даңғылы) сағатына 80 шақырымға дейін рұқсат етілген жылдамдықты қайтаруды сұрауда. Шыны керек, қала әкімдігі соңғы бір жарым айдың ішінде қоғамдық қысымды сезіп келді.

– Әл-Фараби даңғылы, ШААЖ – қаланың негізгі транзиттік магистральдары. Шет елдердің тәжірибесі көрсеткендей, жылдамдықты шектеу көбінесе орталық көшелерге қолданылады. Мысалы, Испанияның айналма жолдарында рұқсат етілген ең жоғары жылдамдық - 120 км/сағ, Мәскеудің МКАД-ында – 100 км/сағ. Әкім мен әкімдіктің, Open Almaty-ға келіп түскен өтініштердің басым бөлігі аталған көшелерде жылдамдық режимін 80 сағ/шақырым жылдамдықты қайтаруды көрсетті. Бүгінгі күнге 800-ден астам өтініш келіп түсті.

Алматы қаласының Қоғамдық кеңесі тарапынан жылдамдық магистральдарында (Әл-Фараби даңғылы, ШААЖ) 60 км/сағаттан 80 км/сағатқа дейін жылдамдық режимін қайтару бойынша жасаған үндеуі шешуші фактор болып табылады. 1 тамыз күні өткен Қоғамдық кеңестің жиынына Тәуелсіз автомобиль қоғамының мүшелері қатысып, сөз сөйлеген еді. Көптеген пікірлер, атап айтқанда, жылдамдықтың төмендеуі экология, экономика және қауіпсіздік үшін жағымсыз екені айтылды. Осының бәрін назарға алған қала әкімдігі жұртшылықтың қалауы бойынша рұқсат етілген 80 км/сағ жылдамдықты ортақ айналма жол міндетін атқарып отырған Әл-Фараби даңғылы мен ШААЖ-да қайта енгізбек.