$ 448.15  483.46  4.86

Түркістанда 20 жастағы бозбала өзін өртеп жіберді

Түркістанда 20 жастағы студент өзін өртеп жіберді деп хабарлайды ОҚО ІІД баспасөз қызметі. Оқиға 7 желтоқсан күні орын алған. Салдарынан бозбала денесінің 90 пайызын өрт шалыпты.

Қылмыстық іс қозғалып, оқиғаны тергеу барысында өртенген баланың әкесі мән-жайдың қалай болғанын айтып берді. Оның сөзіне сенсек, оқиға кешкі уақытта орын алған. "Үйде отырғанымда есік алдында иттің тынымсыз үріп кеткенін естіп, далаға шықтым, балам өртеніп жатыр екен. Дереу өшіруге ұмтылдым. Өшірген соң ауруханаға жеткіздім" дейді 45 жастағы түркістандық тұрғын.

Оның айтуынша, соңғы уақытта отбасында ешқандай дау-жанжал, ұрыс-керіс орын алмаған. Баласын мұндай әрекетке не итермелегенін де ол білмейтінін айтты. Қазіргі таңда оқиғаның себеп-салдарын анықтау үшін полиция тергеу амалдарын жүргізуде.

Естеріңізге салайық, осыдан бірнеше ай бұрын дәл осындай оқиға Тараз қаласында да орын алған болатын. Ол кезде студент "Нұр Отан" партиясы филиалының алдына барып, камера алдында өзін өртеп жіберген болатын. 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары