Жаңалықтар 23.09.2019 сағат 06:00

50 жастағы еркектің бала таптыруға қауқары жете ме?

50 жастан асқан еркектердің әйелді жүкті етуге мүмкіндігі мол.
50 жастағы еркектің бала таптыруға қауқары жете ме?
Бөлісу
Бөлісу
Бөлісу

Бүгінде кіші жар, яғни, тоқал алу турасында әңгіме көп. Жас әйелге үйленгенмен, оны жүкті етуге еркектердің бәрі бірдей қабілетті ме?

Әлемдік Денсаулық сақтау ұйымының дерегі бойынша, орта есеппен еркектердің 14 жастан бастап 60-тың арасында ұрпақ қалдыруға (тікелей айтқанда, әйелді жүкті етуге) қабілетті болатын көрінеді. 70-тегі қарттың да жас әйелдің жатырына бала бітірген сәті де көп кездескен.

БІРАҚ... Бірақ, көбіне еркектер 40 жастан соң-ақ бұл қабілеттен айырылып, өкінішті жағдайға ұласып жататын сәттер аз болмайды екен.

СОНДА... 50 жастан асқандардың әйелді жүкті ету қабілетіне күмән болғаны ма? Егер солай болса, оған не себеп? Жас ұлғайған сайын еркектер осынау ерекшеліктерінен (бұл жастағы әйелдермен салыстырғанда) айырыла бере ме? Ата-бабамыздың Сексенбай-Тоқсанбайларды өмірге келтірген құдіретінің құпиясы неде?

Елу ЕРДІҢ жасы болса да...

Әлбетте, жатырда шарананың пайда болуына атсалысу үшін (табиғи жолмен, әрине) еркектерде жас ерекшелігі маңызды емес. Әйелдермен салыстырғанда,еркектердің бойынан аталық ұрық өмір бойы бөлінеді. Дегенмен, жас ұлғайған сайын ұрық шығару бір бөлек те, жүкті ете білудің (аналық жасушаны ұрықтандыра алудың) жөні бір басқа. 20 жастағы жігіттердің әке болуға мүмкіндігі орасан. Ал жас қосылған сайын сол мүмкіндіктің де проценті азая беретінін есте сақтаған жөн. Мамандардың дерегіне сүйенсек, ендігі 35 жастан кейін еркектің генетикалық материалының сапасы төмендей беретін көрінеді. Яғни, шауһаттың сапасы кеми бастайды.

Белсенді сперматозоидтар саны кемиді. Жас кездегідей емес, жыныстық жасушалар жай қозғалып, аналық безге баратын тіке жолдың бойында көбісі өліп қалады. Ал 40 жастан соң шауһат мөлшерінің өзі 10-20%-ке кемиді. Еркектің белсенділігі де төмендеп, гормондық жүйесінде өзгерістер болады. Ал ол потенцияға әсер етеді. Жыныс жолдарындағы кейбір аурулар 30-дан кейін асқына бастайды. Эрекция да әлсірейді.

Мамандардың айтуынша, еркектердің жасы ұлғайған сайын олардан пайда болатын ұрпақтың денсаулығында кінәрат та көбірек болмақ. Яғни, генетикалық сапа төмендеп, баланың түрлі тума дертпен өмірге келу мүмкіндігі жоғары.

Әке атануға мүмкіндігі ең көп жас

Еркектің бала құрсақ көтеруге нағыз қабілетті де мүмкіндігі мол шағы 25 жаста келеді. Бұл кезде жалындаған жігіттердің басым көпшілігі білім алып, белгілі бір көлемде тұрақты табысқа жетіп үлгереді. Генетиктер мен репродуктологтар ұрпақ жалғастыруға ең қолайлы жас – 25 пен 30-дың арасын атайды. Дегенмен, бұл тек қана орта есеп қана. Еркектерді дәп мына жасқа дейін ұрпақ жалғастыруға қабілетті деп тап басып айтуға да болмас. Себебі, оған әсер ететін жанама факторлар да жетерлік.

50+: Тек жас ұлғаю ғана себеп емес

50 жастан асқан еркектердің әйелді жүкті етуге мүмкіндігі мол. Сондай-ақ дені сау ұрпақ қалдыруға да жас ерекшелігі кедергі емес. Әрине, мұның барлығы денсаулықты қажетінше күтуге байланысты болмақ.

Дені сау ұрпақ дегенде, әлбетте, 25-30 жас аралығында да некелі жұптардың ұрпақ өрбітуінде кедергілер болып жатады. Жасөспірім шағынан жаман әдеттерге әуестенгендердің 25 жаста дені сау сәби сүю мүмкіндігі көп деп айтуға келмеді. Мұндай жағдайда олардың сәби сүю мүмкіндігі тіпті, 50 жастағылардан да аз болуы мүмкін.

Сонымен, 50+ жастағылар әйелді жүкті ете ала ма?

Әрине, бұл жастағы кез келген еркек әке атана алады. Себебі, еркек ағзасында сперматозоидтар 70-80 жаста да бөліне береді.Маңыздысы – оның сапасында. Жоғарыда айтылғандай, мұндай жаста да дені сау сәби сүю үшін басты назарда денсаулық болуы тиіс. Әлбетте, елуден асқан еркектер төсекте де 25 жастағыдай жалындап тұрмайды. Дегенмен, мүмкіндікті молайтуға болады.

«Еркек кез келген жаста қабілетті» деп тым артық бағалауға да болмайды. Ол үшін мынадай ережелерді ұстану керек.

Салауатты өмір салтын ұстанған кез келген жан 70-80 жасқа дейін әке атануға мүмкіндігі мол. Тіпті, 60 жаста бола тұра сыртқы сымбатын 40-тардағы жігіттерше сақтай алады.

Жаман әдеттерге (ішімдік, есірткі, темекі) үйір болмағандардың ДНҚ-сына сызат түспейді. Сәби сүюдегі маңызды саналатын шауһатқа (генетикалық материал) әсересе темекі мен ішімдік, есірткі кері әсер етеді.

Спортпен айналысып, белсенді өмір сүру қағидасын ұстанған еркектердің кіші жамбас айналасында қанның ұюы болмайды. Ал ол созылмалы простатиттің алдын алатын бірден-бір жол.

Тар, денеге жабысып тұратын киімді аз киетін еркектердің де 50-ден кейін перзент сүюге мүмкіндігі көп.

Жоғары температураны, ыстықты жақсы көретін (бұлау, монша) еркектердің мүмкіндігі керісінше, кемиді.

Тұрақты жыныстық қатынасқа түсіп тұратындар 60-70 жасында да әйел құрсағында шарана бітіре алады.

Дұрыс тамақтанып, күн сайын дәрумендер қоырн толықтырып отыратындардың да ересек жаста әке атануында кедергі болмайды.

Жылқыны жалынан ұстап жайдақ мініп те кете берген ата-бабаларымыздың кіші жамбастағы қанайналымы содан да мықты болып, Жетпісбай-Сексенбайларды солайша өмірге келтірсе керек. Қымыз бен ет, айран-сүт негізгі азығы болған көшпенді елдің ұрпағы емеспіз бе? Автокөліктің көк түтінін иіскемеген соң шығар, елуінде де бір қызды қартайтар әлеуеттерінің болғаны... 

Дереккөз: ERNUR.KZ

Оқи отырыңыз

загрузка...

Соңғы жаңалықтар

Қызықты материалдар