Әбдіжаппар Әлқожа Қызылорда облысына мешіт салдырды

Әнші мешітті Қармақшы ауданы Алдашбай ахун елді-мекеніне салдырды.

Эстрада жұлдызы Әбдіжаппар Әлқожа Қызылорда облысы Қармақшы ауданы Алдашбай ахун елді-мекеніне мешіт салдырды. Бұл туралы оның өнердегі досы Серік Ибрагимов Instagram-парақшасында жазды.

"Әбдіжаппар Әлқожа бауырым, жария садақаң қабыл болсын! Алла сансыз сауаптан жазсын! Біздерге ибрат көрсеткеніңе рақмет! Бізге де осылай мешіт салуда Алла нәсіп етсін. Аумин. Игі іс істеп жарысайық. Жарадың бауырым", - деді ол.