Жаңалықтар 07.10.2019 сағат 13:00

АҚШ-та ғарышқа ұшып келгендерге мемлекеттік марапаттар берілмейді

Саяси партиялардың жұмысына араласуымызға болмайды.
АҚШ-та ғарышқа ұшып келгендерге мемлекеттік марапаттар берілмейді
фото: inalmaty.kz
Бөлісу
Бөлісу
Бөлісу

Алматыға NASA ғарышкері Шэннон УАКЕР келді. 163 күн ғарышта экспедицияда болған ғалыммен ашық кездесу өтті. Бұл шараны АҚШ Бас консулдығы мен American Space Almaty Chevron компаниясы бірлесіп өткізді. 

Америкалық мейман БАҚ өкілдеріне арнайы уақыт бөліп, түрлі сұрақтарға жауап берді. Марс пен Айға қатысты зерттеулер туралы әңгімеледі. «Ғалымдар түбі Марсты игеріп ол жақтағы судан жанармай түрі жасалады» - дейді Ш. Уакер ханым. 

Сондай-ақ, «Байқоңыр» ғарыш айлағы бар Қазақстан үшін үш ғарышкер аз ба?» деген сұраққа жауап берді. Шэннон ханымның айтуынша Қазақстан сынды кішкентай мемлекет үшін үш ғарышкер аз емес екен. 

«АҚШ-та ғарышкерлер көп. Өткен ғасырдың 60-жылдары олар танымал болды. Қазір олай емес. Мәселен, мені көшеде көрген адамдар танымайды. Ғарышқа ұшып келген адамдарға жоғарғы мемлекеттік марапаттар берілмейді. Біз үкіметтің адамдарымыз. Мемлекет мүддесі үшін еңбек етеміз. Саяси партиялардың жұмысына араласуымызға болмайды. Зейнетке шыққанда әркімнің өз еркі өзінде», - дейді Шэннон Уакер. 
Айтпақшы, бұл ғарыш апталығы қазан айының 4-10 арасында өтеді. 

Қанат Тілеухан
Дереккөз: zhasalash.kz
 

Оқи отырыңыз

загрузка...

Соңғы жаңалықтар

Қызықты материалдар