Басы даудан арылмаған Алтай Көлгіновтың тағы бір орынбасары жұмыстан босатылды

Келе сала, бірнеше орынбасарын ауыстырған Алтай Көлгіновтің қарамағындағы тағы бір шенеунік қызметінен кетті. Еден жуып, есімі елге танылған қалалық білім басқармасының басшысы Әнуар Жанғозин жұмыстан босатылды, деп хабарлайды Stan.kz ақпарат агенттігі Еуразия арнасына сілтеп.  

Әнуар Жанғозин елорданың білім басқармасына басшы болып тағайындалған күннен бастап басы даудың ортасында жүрді. 33 жастағы елордалық шенеунік бұл қызметінде 2 жыл отырды. Осы жылдар ішінде еліміздегі бас қаланың білім мәселесі күрделенбесе шешілді деп айту қиын.

Есесіне, еден жуудың эстафетасын бастап есте қалды. Оның бұл челленджін астана мектеп директорлары да жарыса жалғастырды. Ойлағаны оқушыларды еңбекке баулу еді. 

"Еден жуып, кеңсе тазалағанға 15-20 минут уақыт алады. Шаң сүртем, еден жуамын, мендегі кабинет үлкен емес", - деп жауап берген еді бір сұхбатында. 

Оқушыларға сыныпты тазалату деген қоғамдық пікірге нүкте қойғысы келген Жанғозиннің әрекеті Білім және ғылым министріне ұнамай қалған болу керек. 

Айта кетейік, Әнуар Жанғозиннің басшылығы кезінде мектеп асханасына қатысы да жанжалдар болған еді.