Жаңалықтар 21.12.2015 сағат 08:40

Путин: «Біздің Совет Одағын қайта құру ниетіміз жоқ екеніне ешкім сенбейді»

Ресей президенті Владимир Путин «Мәскеу Совет Одағын қайта құруға тырыспайтынын, бірақ бұған ешкім сенбейтінін» мәлімдеді, деп жазады Азаттық радиосы.

Бөлісу
Бөлісу
Бөлісу

Путин 20 желтоқсанда ресейлік телеарналардан көрсетілген «Әлемдік тәртіп» деп аталатын деректі фильмде «Украина мен Совет Одағының басқа да аймақтарына қатысты айтсам, Батыс елдері Украинаның мүддесіне жұмыс істемейді. Олар СССР-дің қайта құрылуына қарсы жұмыс істеп жатыр» деген. Бұдан ары ол «бірақ ешкім біздің Совет Одағын қайта құру ниетіміз жоқ екеніне сенгісі келмейді» деп мәлімдеген.

Ресей 2014 жылы наурызда Украинаның Қырым түбегін аннексиялап, Украина шығысындағы қақтығысқа киліккен соң Мәскеудің Батыс елдерімен қарым-қатынасы қырғиқабақ соғыс кезеңінен бері болып көрмеген жағдайда шиеленісті.

2014 жылы сәуірде Украина шығысында Ресей қолдайтын сепаратистер мен украин әскері арасында басталған қақтығыстан 9 мыңнан астам адам қаза тапқан.

Мәскеу Украина шығысындағы украин ұлтшылдары ондағы этникалық орыстар мен орыс тілді украиндарға «қауіп төндіреді» деп санайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар