Сенбі күні Қазақстанның басым аумағында жаңбыр жауады

19 шілде күні Қазақстанның басым аумағы циклон ықпалында болады, соның салдарынан жаңбыр жауып, найзағай ойнап, жел күшейеді. Республиканың солтүстігінде тұман түседі, тек оңтүстік, оңтүстік-шығыс пен шығыста ауа райы жауын-шашынсыз болады, деп хабарлайды Қазгидромет.

Тек еліміздің оңтүстігінде, оңтүстік-шығысында және шығысында ауа-райы жауын-шашынсыз болады. Маңғыстау, Батыс Қазақстан, Қостанай, Павлодар, Қарағанды, күндіз Қызылорда облыстарында кей жерлерде жел 15-20 м/с дейін күшейеді, Қызылорда облысында шаңды дауыл соғады. Ал республиканың оңтүстік, батыс, солтүстік-батыс, оңтүстік-шығыс пен орталық аумақтарында жоғары өрт қаупі сақталады.

Солтүстік Қазақстан облысының кей жерлерінде түнде және таңертең тұман түседі.

Ақмола облысының кей аумақтарында жел 15-20 м/с дейін күшейеді, тұман түседі.

Күндіз Қарағанды облысының кей аумақтарында күн қатты ысиды.