Жаңалықтар 04.12.2019 сағат 14:15

Даниал Ахметов өтірік ақпарат берген мектеп директорын жұмыстан шығарды

Тұрғындардың тығыз шоғырлануына байланысты бұл білім шаңырағында бала саны белгіленген мөлшерден асып кеткен.
Даниал Ахметов өтірік ақпарат берген мектеп директорын жұмыстан шығарды
Бөлісу
Бөлісу
Бөлісу

Өскемендегі Согра шағын ауданындағы №23 мектептің директоры жалған ақпарат бергені үшін қызметінен босатылды, деп хабарлады Шығыс Қазақстан облысының әкімі Даниал Ахметов.

Тұрғындардың тығыз шоғырлануына байланысты бұл білім шаңырағында бала саны белгіленген мөлшерден асып кеткен. Сондықтан қосымша ғимарат салу туралы шешім қабылданған еді.

"Мектепті аралау кезінде маған қосалқы нысанның іске қосылғандығы, ол жерде балалар оқып жатқандығы туралы ақпарат жеткізілді. Алайда, кейінірек ата-аналар арызданып, жаңа корпустың құрылысы әлі аяқталмағандығын айтты", - деп жазды әкім facebook-тегі парақшасында.

Өңір басшысының тапсырмасы бойынша тексеріс жүргізілген. Өкінішке қарай, жаңа корпуста ешкім оқымайтындығы анықталды. Ал ғимарат расымен-ақ, әлі қолданысқа берілмеген болып шыққан.

"Нысанның мерзімінде өткізілмеуі және біле тұра жалған ақпарат беруі себепті аталмыш мектеп директоры қызметінен босатылды, ал облыстық білім басқармасының басшысына сөгіс жарияланды", - деп атап өтті Даниал Ахметов.

Оқи отырыңыз

загрузка...

Соңғы жаңалықтар

Қызықты материалдар