$ 444.22 € 476.38 ₽ 4.82
Алматыда Республикалық спорт колледжінің жатақханасы өртенді деп хабарлайды SN қалалық Төтенше жағдайлар департаментіне сілтеме жасап.
Өрт сөндіру бөліміне дабыл қоңырауы таңғы сағат 04:25-те түсіп, Бостандық ауданындағы жатақхананың бір бөлмесінен өрт шыққандығы туралы айтылған. Оқиға орнына дереу келіп жеткен құтқарушылар ғимарат ішіндегі студенттерді терезе және эвакуациялық есік арқылы қауіпсіз жерге шығарды. Сондай-ақ, қызыл жалынның тұтанған жерін анықтауда өрт сөндірушілер біраз уақыттарын жоғалтты.
"Қабаттардағы көктүтін көру мүмкіндігін нашарлатып, біраз бөгет болды. Дегенмен, дер кезінде қимылдауымыздың арқасында жалын санаулы минуттарда ауыздықталды. Атап айтар болсақ, 05:06-да өртті толықтай өшірдік" дейді Алматы қалалық ТЖД өкілі Сандуғаш Баймұхамбетова.
Оқиғадан зардап шеккендер жоқ.
