«Не болды?»: жедел жәрдем колоннасы астаналықтардың зәресін алды (ВИДЕО)

Әлеуметтік желіде астанада оншақты жедел жәрдем көлігі колоннасының жүріп өткен видеосы тарап жатыр, деп хабарлайды Skifnews.kz ақпарат порталы.

Видеодан жедел жәрдем көліктерінің колоннасы "Хан Шатыр" ойын-сауық орталығының маңынан дабыл белгілерін қосып, зулап өткенін байқауға болады. Мұндай картинаны алғаш рет тамашалаған елордалықтар көріністі телефон камераларына түсіріп, әлеуметтік желіге жүктеді.

Оқиғаның мән-жайын Нұр-Сұлтан қаласының Денсаулық сақтау басқармасы түсіндіріп берді. Олардың хабарлауынша, жедел жәрдем стансасына Тәуелсіздік мерекесіне орай 52 су жаңа көлік тарту етілген.

«Көліктерді 12 желтоқсан күні, таңғы сағат 8:30-да берді. Кілтті қала әкімі берді. Бұл дегеніміз жедел медициналық жәрдем қызметін жаңартып, елорда тұрғындарына сапалы медициналық қызметтің қолжетімді болуын қамтамасыз етеді», - деді баспасөз қызметі.