Жаңалықтар 15.01.2016 сағат 05:16

Қырғыздар «Газпром» көмегімен Қазақстан алдындағы $41,6 млн қарызын толықтай қайтарды

«Газпром Қырғызстан» ЖШҚ Ұлттық операторы «ҚазТрансГаз» АҚ алдындағы берешегін толықтай өтеді. Қазақстандық компания 2004 – 2014 жылдар аралығында газды көрші елге жеткізген және санкциясыз іріктеп алған. Салдарынан қырғыздар тарапы 41,6 миллион доллар қарыз болып қалған. Бұл жайында «ҚазТрансГаз» АҚ баспасөз қызметі хабарлап отыр.

Бөлісу
Бөлісу
Бөлісу

«ҚазТрансГаз» он жылдан астам уақыт бойы қырғыз тарапының жеткізілген газ көлемдері үшін уақытылы ақы төлемеуі проблемасына тап болып келді. Борышты қайтару туралы мәселе бірнеше мәрте, оның ішінде үкіметтік деңгейде де қаралды. «Қырғызгаз» АҚ-ның атына борышты өтеу туралы талаппен хат жіберіліп, Қырғыз Республикасына газ жеткізуді тоқтату туралы мәселе бірнеше мәрте көтерілді. 2008 жылдың басында «ҚазТрансГаз» АҚ «Қырғызгаз» АҚ-дан борышты өндіріп алу туралы сотқа арыз берген болатын. Алайда, Астана қаласы Мамандандырылған ауданаралық экономикалық сотының 2008 жылғы 13 мамырдағы шешімі шыққан сәттен бері борыштың толық сомасы өтелмеген еді» делінген аталған хабарламада.

2014 жылдың ақпан айында Ресейдің газ операторы «Газпром» ААҚ «Қырғызгаз» ААҚ акцияларының 100%-ын сатып алып, Қырғызстанның газ операторы активтерінің иесіне айналды. Ұлттық газ операторы «ҚазТрансГаз» АҚ басшылығының күш-жігерімен «Газпром Қырғызстан» ЖШҚ-ның өкілдерімен болған көптеген кездесулер мен келіссөздер кезінде пайда болған берешекті өтеу туралы уағдаласудың реті түсті. 

Бүгінгі таңда «Газпром Қырғызстан» ЖШҚ 41,6 млн. АҚШ  доллары мөлшеріндегі берешектің қалған сомасын өтей отырып, шарттың талаптарын толығымен орындады.  

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар