«Haileybury Astana» мектебінің экс-директоры педофилия үшін айыпталды

Нұр-Сұлтан қаласында орналасқан кіл мықтылардың балалары оқитын Haileybury Astana мектебінің экс-директоры педофилия жасағаны үшін айыпталды, деп хабарлайды Skifnews.kz ақпарат порталы.

Мұғалімдік мансаптағы 59 жастағы Джонатан Ульмер - отбасылы азамат. Ұлыбританияда оның атынан қылмыстық іс қозғалған. Ол Haileybury Astana мектебінің директоры болған. Бұл туралы ақпарат @jexennews телеграмм каналында жарияланды.

Дереккөзге сүйенсек, ол кішкентай баланы өзінің пәтеріне жетелеп апарып, оның алдында мастурбация жасап, оның жыныс мүшесіне қол тигізуін сұраған.

Мұғалімнің азғындық әрекеті Саухенд-теңіздегі Сесил Джонс орта мектебінде болған. Джонатан сол мектепте 1989-2002 жылдар аралығында жұмыс істеген. Жыныстық азғындық бойынша зәбір көрген бала оның, тіпті, өзімен бірге массаж жасау үшін арнайы жақпамай әкелгенін айтты.

Осы ақпаратқа сәйкес тергеу комиссиясы құрылып, аталған фактілерді және кәсіби міндет барысында жол берілмейтін мінез-құлық әрекетін растады. Қазір Улмерге белгілі бір уақытқа дейін сабақ беруге тыйым салынған.

"Жоғарыда аталған адамның мектептегі өрескел әрекеті туралы біле салысымен, біз оны дереу мектеп директоры қызметінен шығардық. Ол бізде 2017-2018 жылдары бір жыл жұмыс істеді. Жұмысқа қабылдар алдында оның атынан ешқандай жағымсыз ақпарат кездестірмедік, тиісті тексерудің барлығынан өткіздік", - дейді Haileybury мектебінің PR және маркетинг бойынша директоры, Көкшетау-Азияға берген мәлімдемесінде.

Айта кетсек, 2018 жылдың 3 желтоқсанында Ульмер "Haileybury Astana" мектебімен келісімге келіп, директор  қызметінен босаған.