Неміс миллионері өзінің жеріне қоныстанатын адамдар іздеуде

Неміс миллионері өзінің Жаңа Зеланияда орналасқан жеріне қоныстанатын адамдар іздеуде, деп хабарлайды Stan.kz ақпарат агенттігі. 

70 жастағы Карл Райпен есімді кофе өндіріп, байыған азамат жаңазеландиялық газетке хабарландыру берген көрінеді. Ол өзінің фермасында қолғабыс қылатын 10 адам іздеп жатқандығын жазыпты. Сөзінше, ол жиналған адаммен осы "жұмақтағы" өмірімен бөліспекші екен. Бұған әйелдер де, ерлер де жарай береді, тек олардың жасы 70-тен аспауы шарт. 

Миллионердің қонақтары екі адамдық үйлерде тұратын болады. Олар фермада орналасқан барлық белсенді демалыс түрлеріне қатыса алады. Атап айтсақ, фермаа балық аулап, өзен бетінде қайықпен жүзіп, өзеннің өзінде шомылып, табиғатта серуендеу мүмкіншіліктері бар. Егер көмекшеінің жылқысы болса, өзімен бірге алып келуіне болады: ферманың кішігірім ипподромы да ба көрінеді. 

Райпен 2000 жылы ауданы 223 гектарды құрайтын Тасманов теңізінің жағасынан жер алыпты. Оның жерінің бағасы 5,6 миллион жаңазеландиялық долларды (шамамен 1 миллиард 4 миллион теңге) құрайды екен. 2016 жылы бай азамат жерін сатып жібермекші болған, бірақ оның бұл ойы жүзеге аспапты. 

Ферма жергілікті елді аумақтан әлдеқайда алыс жерде орналасқан екен. Ең жақын орналасқан қалаға жету үшін көлікпен бір жарым сағат жол жүр қажет.