«Аружан» сауда ойын-сауық орталығы Аружан Саиндікі ме?

Қазақстандағы балалар құқықтары жөніндегі уәкіл Аружан Саин елордада кинотеатры бар сауда орталығын ашты және мүмкіндігі шектеулі балалар мен олармен бірге жүретін адамдар үшін кинотеатрға тегін кіру туралы шешімді кешіктіріп жатыр, деп әлеуметтік желілерде таралған хабарлама авторларына жауап берді, деп хабарлайды Today.kz.

Омбудсмен өзінің «бизнеске қатысы бар екені» жайында танысынан білген.

«Құрметті аналар! Қазақстанда тек «Аружан және Ко» продюсерлік орталығы бар, мен оның құрылтайшысымын. Аружан есімді басқа компаниялармен, ЖШС, ЖК, AҚ, т.б. мекемелермен ешқандай байланысым жоқ. Әрине, менде көптеген бизнес болғанын қалаймын, бірақ, әзірге ол мүмкін емес», - деді Аружан Саин.

Сондай-ақ, ол әлгіндей мәселелерге қатысты «Аружан» сауда орталығымен тікелей хабарласуға кеңес берді.