$ 449.58  486.94  4.86

Алматы облысында 2 күн бұрын жоғалған оқушы қыздар табылды (ВИДЕО)

Тәртіп сақшылары оқиғаның қалай өрбігенін нақтылап жатыр.

Алматы облысының Ескелді ауданында қаңтардың 21-і жоғалған қыздар табылды. Оқушылар Алматы қаласы Әуезов ауданындағы пәтерлердің бірінен табылып ата-анасына жеткізілді. Бұл туралы ҚазАқпарат хабарлайды.

Оқушы қыздар мектептен кейін үйге қайтпай кетіп қалу себебін "Алматы қаласын көргіміз келді" деп түсіндірген. Қазіргі таңда екеуі де аман-есен отбасымен қауышты.

Тәртіп сақшылары оқиғаның қалай өрбігенін нақтылап жатыр. Қыздардың ата-аналары балаларының табылғаны және аман-саулығы жайлы бейне түсіріп әлеуметтік желіге жариялады. Олар апалы-сіңлілі Ару мен Талшынды іздестіруге жұмылған барша азаматтарды, Ескелді аудандық полиция бөлімінің қызметкерлеріне алғыс айтып, ризашылығын білдірді.

Естеріңізге сала кетейік, Ескелді ауданының екі оқушысы Ару Бекберді мен Талшын Қызырбай бір тәуліктен бері табылмай жатқанын бұған дейін хабарлаған болатынбыз.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары