Жаңалықтар 13.03.2020 сағат 11:20

«Құран оқылмайды»: ҚМДБ жұма намазына қатысты маңызды мәлімдеме жасады

Мешітке бетперде (маска) киіп бару керек.
«Құран оқылмайды»: ҚМДБ жұма намазына қатысты маңызды мәлімдеме жасады
Фото: muslim.kz
Бөлісу
Бөлісу
Бөлісу

Қазақстан Мұсылмандар Діни басқармасы коронавирустың алдын алу шараларына орай жұма намазына қатысты маңызды мәлімдеме жасады, деп хабарлайды Skifnews.kz ақпарат порталы, ҚМДБ-нің ресми сайтына сілтеме жасап. 

Мәлімдемеге көзжүгіртсек, адамдар намаздан кейін жамағат қол беріп «Жұма қабыл болсын!» деп амандаспайды және мешітте намаз оқығаннан кейін, ол жерде көп кідірмей ғимараттан шығып кету керек. 

"Бүгінде әлем жұртшылығын дүрліктірген коронавирус көптеген елдерге тарап үлгерді. Вирусты жұқтырған адам саны артуда. Бұл дерт бізді де алаңдатып отыр. 

Осыған орай, Қазақстан мұсылмандары діни басқармасы шариғаттағы зәрулік үкімін негізге ала отырып, коронавирустың жамағат арасында таралуының алдын алу шарасы ретінде жұма намазына байланысты мәлімдейді:

Жұма намазынан бұрын айтылатын 30 минуттық уағыз 20.03.2020 жылдан бастап уақытша тоқтатылады;
Намаз уақыты кіре сала азан айтылады, 4 ракағат сүннет өтеліп, жұма намазының 2 ракағат парызы қысқа сүремен оқылады;
Жұма намазының парызынан кейін оқылатын 4 рәкағат сүннетті үйде оқуға кеңес береміз;
Намаздан кейін тәсбих тартылмайды, Құран оқылмайды, имам қысқа дұға жасайды;
Намаздан кейін жамағат қол беріп «Жұма қабыл болсын» деп амандаспайды;
Мешітке бетперде (маска) киіп келу;
Намаздан кейін көп кідірмей мешіттен шығу;
Жұма намазға балиғатқа толмаған балаларды алып келмеу;
Жұма намазға денсаулығы жарамайтын қариялар, науқастар мен әйелдердің қатыспағаны абзал;
Ауа-райы қолайлы аймақтарда жұма намазын мешіт ауласында оқуға рұқсат", - делінген ресми хабарламада.

Ескерте кетерлік жайт, ҚМДБ барша мұсылман қауымын осы жағдайларға түсіністікпен қарауға шақырады. Бұл мәлімдеме 13 наурызынан бастап күшіне енеді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар