Павлодар облысының экс-әкімі Бақауовтың үйқамақта отыру уақыты созылды. Мұндай шешім 10 сәуір күні Павлодар тергеу сотында қабылданды. Болат Бақауовтың үйқамақ уақытын ұзарту туралы өтініш-хатты жедел тергеу тобының басшысы сұраған болатын деп хабарлайды KAZ.NUR.KZ.
Орталық коммуникациялар қызметі Облыстық сот жедел топтың басшысы өтініш жібермес бұрын алдымен бұл шешімді Қазақстанның Бас прокуратурасымен келіскенін айтты. Сонымен бірге Болат Бақауовтың үй қамауында тағы бір ай отыруын сұраған.
"Сот үкімімен қамау уақытын 2020 жылдың 13 мамырына дейін ұзарту туралы өтінішхаты мақұлданды", – деп пікір білдірді Павлодардағы облыстық соттың баспасөз хатшысы.
Еске сала кетсек, 15 қаңтарда Павлодар облысының әкімі Болат Бақауовтың ұсталғаны жайлы ақпарат тарады. Павлодар аймағының экс-әкімі лауазымдық өкілеттігін асыра пайдаланды деп айыпталған болатын. Кейін сот отырысында тергеу амалдары кезінде шенеуніктің өз туысы төлемеген 200 млн салық көлемін 5 миллионға дейін қысқартып беруге көмектесуге әрекет жасағаны анықталды.
Кейін оның орнына Әбілқайыр Сқақов Павлодар облысының әкімі болып тағайындалды. Ол «Instagram бізде шағым жәшігіне ұқсайды» деп елді елең еткізген еді. Бұл жайлы біз ақпарат жариялаған болатынбыз.