Жаңалықтар 18.04.2020 сағат 16:55

Сағынтаев құрылыс алаңы мен зауыттардың жұмысқа дайындығын тексерді

Сапар барысында қала әкімі тез құрастырылатын модульдік блоктардан тұратын госпиталь құрылысының барысымен танысты.
Сағынтаев құрылыс алаңы мен зауыттардың жұмысқа дайындығын тексерді
Бөлісу
Бөлісу
Бөлісу

Бүгін Алматы қаласының әкімі Бақытжан Сағынтаев жаңадан салынып жатқан «Terra» СК, Наурызбай ауданындағы заңды тұлғаларға арналған ХҚКО, «Hyundai Trans Kazakhstan», АЗТМ және «Алматыэнергосервис» зауыттарын аралады, -деп хабарлайды Sn.kz.

Әкім арнайы ат басын бұрған бұл кәсіпорындар 20 сәуірден бастап жұмысын бастағалы отырған бірқатар өнеркәсіп және құрылыс кәсіпорындарының қатарында бар. Ал жұмысты қайта бастаудың ең басты шарты – қызметкерлердің санитарлық қауіпсіздігін қамтамасыз ету. Құрылыс алаңдары мен кәсіпорындарда дезинфекциялау жұмыстары тұрақты түрде жүргізілуі тиіс. Қызметкерлер жеке қорғаныс құралдарымен қамтамасыз етіледі. Кіреберістерде зарарсыздандыру станциялары жабдықталады, сондай-ақ, жұмысшылардың дене қызуы тексерілетін болады. Қолжетімді жерлерде санитайзерлер орналастырылып, жұмыс орындарында және асханаларда қауіпсіз қашықтық қамтамасыз етіледі.

«Қызметкерлердің қауіпсіздігі үнемі қамтамасыз етілуі тиіс. Бұл орындалуы тиіс жұмыстарды тексеретін құрамында санэпидемиологтар мен «Атамекен» ҰКП өкілдері бар комиссияның басты талабы. Құқық бұзушылық орын алған жағдайда жұмыс беруші жауапкершілікке тартылады. Ал компания қызметін ТЖ режимі аяқталғанға дейін тоқтатамыз», – деп атап өтті Бақытжан Сағынтаев.

Сапар барысында қала әкімі тез құрастырылатын модульдік блоктардан тұратын госпиталь құрылысының барысымен танысты. 280 орынға арналған госпиталь байланыста болғандар мен СОVID-19 инфекциясына күдігі бар адамдарға арналған. Нысан 90% -ға дайын. Қазіргі уақытта персонал іріктеліп, жабдықтар жинақталуда. Бақытжан Сағынтаев дәрігерлер жұмысы мен науқастарды емдеу үшін қауіпсіздіктің жоғары деңгейін қамтамасыз етуге ерекше назар аударды.

Естеріңізге сала кетейік, Президент жанындағы Мемлекеттік комиссияның шешімімен өнеркәсіптік және құрылыс секторлары мен ілеспе қызметтер көрсететін компаниялар кәсіпорындарының қызметін кезең-кезеңімен қайта жаңғырту туралы шешім қабылданған болатын. 

Ал Алматы қаласының әкімі Бақытжан Сағынтаев заң бұзушылықтар анықталған жағдайда кәсіпорындарға елдегі төтенше жағдай аяқталғанға дейін жұмыс істеуге тыйым салынатынын ескертті. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар