Бұдан бұлай атышулы Болат Бақауов көңіл көтеретін орындарға бара алмайтын болды

Павлодар облысының экс-әкімі Болат Бақауов 3,5 жылға бас бостандығынан шектелді, деп хабарлайды Tengrinews.kz.

"Сотталушы ҚР Қылмыстық кодексінің 361-бабының 4-бөлігі 3-тармағы ("Лауазымдық өкiлеттiктерді теріс пайдалану") бойынша айыпты деп танылды. Соттың үкімімен ол 3,5 жылға бас бостандығынан шектелді, сондай-ақ, ол өмір бойына мемлекеттік қызметте жұмыс істеу құқығынан айырылды", - деді №2 соттың судьясы Нұрлан Қайырбеков. 

Cондай-ақ, сот үкімімен экс-әкімге көңіл көтеру орындарына баруға тыйым салынды. Бұдан бөлек, ол 100 сағат уақыт қоғамдық жұмыс жасауға және 10 мың долларды қайтаруға міндеттелді.

Еске салайық, биыл қаңтарда Павлодар облысының бұрынғы әкімі Болат Бақауовтың ұсталып, үй қамауына алынғаны хабарланған еді.

Тағы оқи отырыңыз: «Павлодар облысының әкімі Болат Бақауов деген азаматты жеккөреміз» - Қайнар Олжай (ФОТО)

«Мен Нұр-Сұлтанда отырып, сіздермен Павлодар туралы айтқым келмейді» - Болат Бақауов

ҰҚК 15 қаңтарда қылмыстық іс бойынша жедел тергеу іс-шараларын өткізген болатын. Оған қызметтік өкілеттігін асыра пайдаланды және оның салдары ауыр болды деген айып тағылған.