Жаңалықтар 10.06.2020 сағат 11:20

Ақтөбе-Астрахан трассасындағы жол апаты салдарынан 6 адам көз жұмды (ФОТО)

Көлікті 46 жастағы жүргізуші тізгіндеген.
Ақтөбе-Астрахан трассасындағы жол апаты салдарынан 6 адам көз жұмды (ФОТО)
Фото: diapazon.kz
Бөлісу
Бөлісу
Бөлісу

9 маусымда Ақтөбе облысындағы Бестамақ ауылы маңында, Ақтөбе-Астрахан трассасында ірі жол апаты болды, - деп хабарлайды Skifnews.kz ақпарат порталы облыстық Полиция департаментіне сілтеме жасап. 

Алдын ала мәлімет бойынша, Армения Республикасында тіркелген Toyota Ipsum маркалы көлігінің 24 жастағы жүргізушісі қарсы жолаққа шығып "Лада-Ларгус" автокөлігіне соғылған. Көлікті 46 жастағы жүргізуші тізгіндеген. 

Полиция хабарлауынша, Toyota жүргізушісі 2019 жылы мас күйінде көлік айдағандықтан жүргізуші куәлігінен айырылған. Нәтижесінде оқиға орнында "Лада-Ларгустың" жүргізушісі мен жолаушысы қайтыс болды, тағы бес жолаушы Алға қаласындағы орталық ауруханаға жеткізілген, оның үшеуі қайтыс болды. 

Артынша жол апатынан зардап шеккен 1993 жылғы қыздың да қайтыс болғаны туралы хабар келген. Жалпы жол-көлік оқиғасы салдарынан алты адам қайтыс болды, оның барлығы "Лада-Ларгус" көлігінде отырған. 

1974 жылғы жүргізуші және 1969 жылғы, 1971 жылғы, 1981 жылғы, 1984 жылғы, 1993 жылғы жолаушылар көз жұмды. 

Toyota Ipsum автокөлігінің жүргізушісі Алға қаласының тұрғыны медициналық көмек көрсетілгеннен кейін уақытша тергеу изоляторына қамалды. ҚР Қылмыстық кодексі 345-бабының 4-бөлігі бойынша сотқа дейінгі тергеу жұмыстары басталды. Аталған баптың санкциясы бойынша, 10 жылға дейін бас бостандығынан айыру жазасы қарастырылған. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар