Жаңалықтар 16.07.2020 сағат 20:20

«123 медицина қызметкері 2 миллион теңге көлемінде өтемақы алады» - Нұрымбетов

Медициналық қызметкер коронавирус жұқтырған жағдайда, мемлекеттік әлеуметтік сақтандыру қорынан 2 миллион теңге, қайтыс болған жағдайда 10 миллион теңге берілуі керек.
«123 медицина қызметкері 2 миллион теңге көлемінде өтемақы алады» - Нұрымбетов
фото: 24.kz
Бөлісу
Бөлісу
Бөлісу

Коронавирус жұқтырған медицина қызметкерлерінен 123 өтініш түскен. Бұл туралы Еңбек және халықты әлеуметтік қорғау министрі Біржан Нұрымбетов айтты, деп хабарлайды Tengrinews.kz.

"Бұл өтемақы Еңбек және халықты әлеуметтік қорғау министрлігі мен Денсаулық сақтау министрлігінің бұйрығымен төленеді. Өтемақыны төлеу операторы мемлекеттік әлеуметтік сақтандыру қоры болып саналады. Ол біздің министрлікке қарайды. Ал өтемақыға өтінішті өңірлердегі денсаулық сақтау басқармалары береді", - деді министр ОКҚ-де өткен баспасөз мәслихатында. 

Оның айтуынша, 6 өңірдегі денсаулық сақтау басқармаларынан комиссияға 123 өтініш түскен.

"Ережеге сәйкес, өтінішті 3 күнде қараймыз. Мемлекеттік әлеуметтік сақтандыру қорынан оларға 2 миллион теңге беріледі. 123 өтініштің арасында коронавирустан қайтыс болған медицина қызметкерлері туралы өтініш жоқ. Әзірше оларға қатысты өтініш түскен жоқ", - деді Нұрымбетов.

Медициналық қызметкер коронавирус жұқтырған жағдайда, мемлекеттік әлеуметтік сақтандыру қорынан 2 миллион теңге, қайтыс болған жағдайда 10 миллион теңге берілуі керек.

Айта кетейік, осыған дейін тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Тимур Сұлтанғазиев коронавирус жұқтырған медицина қызметкерлерінің өтемақысы туралы сұраққа жауап беруге қиналғаны хабарланған еді. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар