Жаңалықтар 14.08.2020 сағат 12:25

Алматыда Абай апталығы жалғасуда

«Абай – қазақтың бас ақыны» деп Ахмет Байтұрсынов атап өткен дана ақынның, кемеңгер ойшылдың шығармалары халқымыздың асыл қазынасы бола бермек.
Алматыда Абай апталығы жалғасуда
Бөлісу
Бөлісу
Бөлісу

Алматыдағы Нұр-Мүбарак Египет ислам мәдениеті университетінде «Абай» апталығы жалғасын табуда. Ақын Абай Құнанбайұлының 175 жылдығына орай жасалған шаралар туралы педагогика ғылымдарының кандидаты, Жалпыуниверситеттік гуманитарлық пәндер кафедрасының оқытушысы Нұрзия Әбішева пікірін білдірді, - дeп хабарлайды Sn.kz.

«Биыл елімізде Абай Құнанбаевтың 175 жылдық мерейтойы атап өтіліп жатқаны белгілі. Аталған мерекеге орай өткен оқу жылынан бері бүгінгі күнге дейін университетіміз де біршама іс-шаралар ұйымдастырылды. Мәселен, «Ғасырдан асқан тұлға» атты Абай оқулары және «Абай мен Пушкин шығармаларының үндестігі» тақырыбында ақын шығармашылығына байланысты фото көрмесі өтті.

Сондай-ақ Тәрбие ісі және әлеуметтік даму департаментінің ұйымдастыруымен және «Самғау» волонтерлер тобының қатысуымен әуе шары ұшырылды. Ал бүгін Нұр-Мүбарак университетінің кітапханасында онлайн көрме ұйымдастырылып, Абай Құнанбайұлының мерейтойына арналған іс-шаралар өз жалғасын табуда.

Дүниеден өткеніне бір ғасырдан артық уақыт өтсе де ақын, философ, ағартушы, композитор Абайдың шығармалары өзінің құнын жойған жоқ. Олар – әлі де көкейкесті Һәм маңызды. Сонымен қатар ХХІ ғасырда өмір сүріп жатқан бүгінгі өскелең ұрпақ үшін үлгі болатын, жол көрсететін тұстары көп.

«Абай – қазақтың бас ақыны» деп Ахмет Байтұрсынов атап өткен дана ақынның, кемеңгер ойшылдың шығармалары халқымыздың асыл қазынасы бола бермек.

Хәкім Абай – білімді, мәдениетті насихаттап өткен ақын. Ол өз өмірін үлгі ете отырып, жастарды ізденуге, игі істерден бастау алатын қадамдар жасауға шақырады. Халқын қайғы-мұңнан арылтқысы келеді, татулық пен достықты насихаттайды. «Ғылым таппай мақтанба» деп тәрбиелейді, 38-қара сөзінде ғылым-білімді махаббатпен көксеу керектігін жазады.

Ал Абайтанушы ғалым  Мекемтас Мырзахметұлы Абайды «Жан ғылымының ең көрнекті өкілі» деп атап өткеніндей, Абай өлеңдерінен де қара сөздерінен де адамның ішкі жан-дүниесінің сұлулығы жөніндегі терең ойлары да жастарға ой салары сөзсіз.

Нұрзия Мағазқызының пікірін қортындыласақ, кітапханаға жол тартып, Абай шығармаларын оқыған жастардың болашағы жарқын болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар