$ 447.4 € 477.55 ₽ 4.76
Жетісай ауданы Талапты ауылының тұрғыны, "Алтын" шаруа қожалығының төрағасы Қуанышбек Ауашов өзінің иелігіндегі 15 гектар аумақтың бүгінгі таңда 5 гектарын арнайы терім машинасымен жинап, одан 11 тоннадай мақта алып үлгерген, деп хабарлайды Baq.kz.
Биыл мақта жинауды ертерек бастап отырмыз. Бұл өз кезегінде өнімді жерде қалдырмай, толық жинап алуға өз септігін тигізеді. Арнайы комбайнмен мақтаны жинау қол теріміне қарағанда тиімді. Бұйырса, алдағы 2-3 күнде бірінші терімді толық жинап боламыз, - дейді шаруа қожалығының төрағасы.
Айта кетейік, былтыр аудан бойынша 46 655 мың гектарға мақта егіліп, одан 122 мың тонна өнім алынған. Биыл Жетісай ауданы бойынша мақта егілген жерлер 48 943, 8 мың гектарды құрайды. Одан алынатын өнім шамамен 125 мың тонна болады деп күтілуде.
