Елбасы Әбіш Кекілбаев атындағы музейге барып, естелік жазба қалдырды

Ә.Кекілбаевтың өмірі мен шығармашылығына арналған музей экспонаттарымен танысты.

Қазақстанның Тұңғыш Президенті Әбіш Кекілбаев атындағы музейге барды, деп хабарлайды Skifnews.kz ақпарат порталы, Елбасы сайтына сілтеме жасап.

Музейді аралау кезінде Нұрсұлтан Назарбаев қазақтың белгілі жазушысының ескерткішіне гүл шоқтарын қойды. Сондай-ақ Елбасы Ә.Кекілбаевтың өмірі мен шығармашылығына арналған музей экспонаттарымен танысты.

Соңында Қазақстанның Тұңғыш Президенті музейдің Құрметті қонақтар кітабына естелік жазба қалдырды.