Жаңалықтар 24.09.2020 сағат 16:00

Мәскеуде «Алмател» телекоммуникациялық операторының бас директоры қамауға алынды

Оның иесі бұрын Ресейден Қазақстанға экстрадицияланған Жомарт Ертаев болған. Сnews.ru басылымының мәліметінше, Гадаловты тұтқындауға сұрауды Қазақстан ІІМ жіберген
Мәскеуде «Алмател» телекоммуникациялық операторының бас директоры қамауға алынды
фото: pixabay.com
Бөлісу
Бөлісу
Бөлісу

Мәскеуде "Алмател" телекоммуникациялық операторының бас директоры Александр Гадалов қамауға алынды, деп хабарлайды Tengrinews.kz.

Мәскеу сотының сайтында 12 қыркүйекте қаланың Таганский аудандық соты Гадаловты қамауға алу түрінде бұлтартпау шарасын тағайындағаны туралы хабарланған. Оған Ресей Федерациясының Қылмыстық кодексінің 159-бабы, 4-бөлігі ("ұйымдасқан топпен немесе аса үлкен мөлшерде немесе азаматтың тұрғын үйге құқығынан айыруға әкеп соққан алаяқтық") бойынша айып тағылды. 23 қыркүйекте Гадалов бұл шешім үшін қалалық сотқа шағымданды. Қазіргі уақытта іс судьяның қарауында жатыр.

"Алмател" қазақстандық "Алма Груп" компаниясына жатады. Оның иесі бұрын Ресейден Қазақстанға экстрадицияланған Жомарт Ертаев болған. Сnews.ru басылымының мәліметінше, Гадаловты тұтқындауға сұрауды Қазақстан ІІМ жіберген және бұл Ертаевтың әрекеттерімен байланысты.

Еске салайық, бұған дейін Алматыда Bank RBK-дан 144 миллиард теңге жымқыру ісіне қатысты сот отырысы аяқталды. Прокурор экс-банкир Жомарт Ертаевқа қатысты 11 жыл бас бостандығынан айыру жазасын сұрады. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар