$ 448.15  483.46  4.86

«Естуші мемлекет» тұжырымдамасы жұмыс істейді»: Айдос Сарым Тоқаевтың бастамасына негізделген әлеуметтік зерттеулерге көзқарасын айтты

Әр адам субъективті, және өзінің көзқарасын басқа адамдардың пікірлерімен салыстыра отырып, шындыққа жете алады.
Фото: newtimes.kz
Фото: newtimes.kz

Бүгін Алматыда «Қазақстан Республикасы тұрғындарының ел президентінің бастамаларына көзқарасы» атты социологиялық сауалнаманың қорытындысы шығарылды. Белгілі саясаттанушы Айдос Сарымның айтуынша, бұл тәжірибе қазақстандықтар үшін өте пайдалы, деп хабарлайды Skifnews.kz ақпарат порталы.

Сарапшының пікірінше, зерттеудің жарияланған нәтижелері - бұл халықтың мемлекет басшысының бастамаларынан күтетін реакциясы.

«Социологиялық сауалнаманы өткізу - бұл Қазақстандағы сарапшылар, сондай-ақ, біздер, мемлекеттік қызметкерлер үшін пайдалы тәжірибе. Мұндай зерттеулердің жария болуы маңызды, өйткені олар өмірдің белгілі бір кезеңінде қандай тенденциялар бар екендігі туралы түсінік береді. Бұл, біріншіден. Екіншіден, бұл зерттеу «естуші мемлекет» тұжырымдамасының жұмыс істейтіндігін дәлелдейді, үкімет қоғамдағы «ауыртпалық» түсіп жатқан нүктелерді көреді және сәйкесінше әрекет етеді. Егер зерттеуді бағалауды қорытындылайтын болсақ, онда алынған мәліметтер менің және негізгі көрсеткіштерге сай келеді деп айта аламын. Осындай зерттеулерді көбірек жасау және бұқаралық ақпараттандыру керек деп бекер айтпадым. 
Бұл салыстырмалы сипаттама беру үшін қажет. Шындығында, бүгінгі таңда бізде респонденттердің максималды қамтылуымен өткізілетін қоғамдық талдаулар мен сауалнамалардың үлкен тапшылығы байқалып отыр. Қоғамға белгілі бір шеңберге ғана пайдалы, әрі тиімді сипатты ғана емес, жалпы ақпаратты көрсететін мәліметтерді де ұсыну керек, бұл, әсіресе, мемлекеттік қаражатты жұмсау туралы болған кезде өте маңызды. Бұл қаншалықты пайдалы? Бірінші кезекте, жағдайды тұрақтандыру, әлеуметтік желілерге тәуелділік және хайпты азайту үшін тиімді. Мәселен, менің осы және өзге де сұрақтарға көңілім толмауы мүмкін делік, бірақ егер мен нақты статистикалық көріністі және елдің басқа тұрғындарының пікірлерін көрсем, онда мен өзімнің теріс көзқарасымды саналы түрде зерттеймін. Немесе, керісінше, мен шындыққа тым оптимистік көзқараспен қараймын, бірақ ашық, шынайы зерттеулердің арқасында мен өз көзқарастарымды өзгертемін», - дейді Айдос Сарым.

Спикер атап өткендей, әлемнің көптеген елдерінде социологиялық зерттеулер азаматтарға, соның ішінде сарапшыларға, журналистерге белгілі бір саланың тұтас бейнесін, белгілі бір жағдайды көрсетеді.

«Әр адам субъективті, және өзінің көзқарасын басқа адамдардың пікірлерімен салыстыра отырып, ол шындыққа жете алады», - деп аяқтады ол.

Еске сала кетейік, зерттеу бағдарламасы Қазақстан Республикасы Президентінің елдің әлеуметтік-экономикалық дамуы, білім сапасын арттыру және жастарды қолдау, азаматтардың құқықтары, бостандықтары мен қауіпсіздігін қорғауды күшейту, сыбайлас жемқорлық қылмыстардың алдын-алу жөніндегі бастамаларын қамтыды. Сауалнама нәтижелері бойынша респонденттердің 74% -ы президенттің бұл бастамалары қазақстандықтардың өмірін жақсартады деп санайды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары