Жаңалықтар 15.10.2020 сағат 10:00

Желіде Ақтау қаласына «у шашқан ұшақтың» ВИДЕОсы тарап жатыр

Маңғыстау облысы әкімдігінің қызметкерлері бұл видеоға қатысты түсініктеме берді.
Бөлісу
Бөлісу
Бөлісу

Ақтау қаласының тұрғыны ұшып бара жатқан ұшақтың қызғылт-сарғыш түсті ізін видеоға түсіріп алды. Автор осылайша "тікұшақтан у шашылады" және "соның салдарынан адамдар ауырады" деп мәлімдейді. Бұл мәлімдеме негізсіз, - деп хабарлайды Tengrinews.kz Stop Fake-ке сілтеме жасап.

Маңғыстау облысы әкімдігінің қызметкерлері бұл видеоға қатысты түсініктеме берді. Ведомство баспасөз қызметінің жетекшісі Самат Сүлейдің айтуынша, ешқандай химиялық заттар себілмеген, ал аспанда ізді жолаушылар ұшағы қалдырған.

"Ақтау әуежайы қаланың өзінен 20 шақырым жерде орналасқан. Камера дәл сол жаққа бағытталған. Бұл видео күн батарда түсірілген, сондықтан түсі қызыл болып көрінеді. Бірақ бұл азаматтық ұшақтан шыққан із. Соңғы уақытта бізде авиация қатысатын жаттығулар болған жоқ", - деп түсіндірді облыс әкімдігі баспасөз қызметінің жетекшісі.

Ұшақтың конденсациялық ізі - ұзақ уақыт бойы жерден айқын көрінетін ақ түсті жолақтар

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар