Жаңалықтар 24.07.2014 сағат 06:10

Ахметжан Есімов сел жүрген аймақта болып қайтты

Кеше Алматы қаласы әкімі Ахметжан Есімов Медеу тау шатқалына тікұшақпен кезекті іс сапарын өткізді, деп хабарлайды Skifnews.kz.

Бөлісу
Бөлісу
Бөлісу

Алматы әкімдігінің баспасөз қызметі мәлімдегендей, іс шараға әкімнің орынбасары Юрий Ильин және Алматы қаласы Төтенше жағдайлар бойынша департаменті мен «Қазселденқорғау» ММ жетекшілері қатысты.

«Қала басшысы 17 шілдеде Талғар өзенінде болған селдің зардаптарын жою жұмысымен танысты. Бұл өзен Алматы қаласының ауыз су көздерінің бірі болып табылады. Сондай-ақ Ахметжан Есімовке №6 және №13 көлдердің жағдайы мен Үлкен Алматы шатқалындағы жағдай жөнінде баяндалды», делінген хабарламада.

«Қазселденқорғау» ММ Алматы аймақтық эксплуатациялық-техникалық басқармасының директоры Талғат Тәжібаев қазіргі уақытта Алматы үшін сел қаупі жоқ екенін айтты.

Қала әкімі Беделбай мен Батарейка өзендерінің селден қорғайтын құрылыстарын қарап шығып, Медеу-Шымбұлақ аспалы жолының тіректері мен құлама жарларды бекіту жұмыстарымен танысты.

Іс сапар қорытындысы бойынша Ахметжан Есімов №6 және №13 көлдердің жағдайын бақылауды күшейтуді тапсырды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар