Жаңалықтар 19.10.2020 сағат 18:00

ШҚО-да күдікті полиция бөлімшесінде жан тапсырды

Оның айтуынша, қажетті сараптамалар, оның ішінде паталогоанатомиялық зерттеулер өткізілген. Әзірге сараптама нәтижелері дайын емес.
ШҚО-да күдікті полиция бөлімшесінде жан тапсырды
Фото: ашық дереккөз
Бөлісу
Бөлісу
Бөлісу

Шығыс Қазақстан облысы Үржар ауданында қылмысқа күдікті ретінде ұсталған ер адам полиция бөлімшесінде қайтыс болды.

ШҚО Полиция департаменті баспасөз қызметінің мәліметіне сүйенсек, Мақаншы ауылында мал ұрлығы бойынша күдікті ретінде полиция бөлімшесіне жеткізілген 33 жастағы азамат көз жұмған. Қазір ҚР Ішкі істер министрінің тапсырмасымен облыстық ПД бастығы Сағат Мәдиев орын алған жағдайды анықтап тексеру үшін сол ауылға жетті.

«Менің басқаруыммен арнайы топ құрылды. Осы факті бойынша департаменттің Өзіндік қауіпсіздік басқармасы «Азаптау» бабы бойынша сотқа дейінгі тергеу амалдарын бастады. Процессуалдық прокурорлардың тобы тағайындалды. Марқұмның жақын туыстарының қатысуымен оқиға орнына жіті тексеру жүргізілді», - деді Сағат Мәдиев.

Оның айтуынша, қажетті сараптамалар, оның ішінде паталогоанатомиялық зерттеулер өткізілген. Әзірге сараптама нәтижелері дайын емес.

"Қаза болған азаматтың отбасына Үржар ауданының әкімімен бірге барып, оның туыстары мен достарының уәждерін тыңдадым. Олардың қайғыларына ортақтасып, көңіл айтамын. Кінәлілер заң шеңберінде жауапқа тартылады. Тергеудің әділ, әрі объективті жүргізілуі – менің принциптік ұстанымым", - деді ШҚО Полиция департаментінің бастығы.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар