Елорданың бас санитар дәрігері екінші тоқсанға қатысты жаңа қаулыға қол қойды

Астана қаласының бас санитар дәрігері Жанна Пралиева елордалық мектеп оқушыларына қатысты жаңа қаулы шығарды, деп хабарлайды Stan.kz ақпарат агенттігі. 

Жаңа қаулыда екінші тоқсаннан бастап жалпы білім беретін мектептерде 5 сынып, ал халықаралық мектептерде 7 сыныпқа дейінгі оқушылар үшін офлайн режимде оқитыны айтылған.

"1-5-сынып оқушылары үшін жалпы білім беретін мектептердің кезекші сыныптарынан және 1-7-сыныптан бастап халықаралық мектептерден басқа, сыныпта 15 балаға дейін жинақтау кезінде жұмысына жол берілетін білім беру объектілерінің жұмысын онлайн-оқыту режимінде ұйымдастырылсын. Оффлайн-режимде оқитын оқушылар арасында коронавирус инфекциясының бір жағдайы тіркелсе ата-аналардың өтініші бойынша барлық сыныптарды онлайн-оқытуға көшуге қатаң түрде жол беріледі", - делінген бас санитардың қаулысында.

Сонымен қатар, Нұр-Сұлтан қаласының ішкі саясат басқармасы БАҚ пен әлеуметтік желі арқылы қабылданғын шешімдердің маңыздылығы мен өмірлік қажеттілігін түсіндіруге міндеттелді. Жаңа ереже 2020 жылдың 14 қарашасынан бастап күшіне енбек.