Жаңалықтар 24.11.2020 сағат 15:40

Мақта мәселесі толық шешімін табатын болды

«Мақта саласын дамыту туралы» ҚР Заңының күші жойылды.
Мақта мәселесі толық шешімін табатын болды
Фото: ашық дерек көзі
Бөлісу
Бөлісу
Бөлісу

«Мақта саласын дамыту туралы» ҚР Заңының күші жойылды. Мұндай шешім осы саладағы әкімшілік кедергілерді азайтуға және қажетті инвестицияларды тартуға мүмкіндік береді. Бұл туралы Мәжілістің жалпы отырысында депутат Сәкен Қаныбеков айтты.

Осы күнге дейін Парламент қабырғасында бірнеше мәрте талқыға түскен мақта мәселесі алдағы уақытта толық шешімін таппақ.

«Осыған байланысты, саладағы проблемаларды заңнамалық тұрғыдан шешу мақсатында Парламент депутаттары осы заң жобасын әзірледі. Онда бір мезгілде қолданыстағы заңнаманың нормаларына тиісті өзгерістер енгізе отырып, салалық заңның күшін жою арқылы мақта қолхаттары жүйесін қайта реттеу ұсынылады. Сонымен қатар, мақта қолхаттарын шығара отырып, қойма қызметі бойынша қызметтер көрсету жөніндегі мақта өңдеу ұйымдарының қызметін лицензиялау алып тасталады» - деді Сәкен Қаныбеков.

Халық қалаулысы аталған өзгерістерді ұсыну аясында Қытай, Пәкістан, Үндістан, Түркия сынды елдердің тәжірибелері зерделенгенін мәлім етті.

Өз кезегінде Ауыл шаруашылығы министрлігінің өкілі мемлекет тарапынан қолдау алып отырған диқандарға мұндай өзгеріс еш кедергісін тигізбейтінін хабарлады.

«Мақта өсірумен айналысатын шаруалар мемлекеттік қолдаудың барлық түрлерін тиісті түрде алатын болады. Яғни тұқымдар, пестицидтер, минералды тыңайтқыштар, субсидиялау мәселелері қажетті деңгейде берілетін болады» - деді Ауыл шаруашылығы вице-министрі Рүстем Құрманов.

Дереккөз: azattyq-ruhy.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар