Жаңалықтар 30.11.2020 сағат 11:20

Шенеунік бюджет қаражатына жиһаз сатып алған

Кеңсе жиһазын сатып алу жөніндегі талаптар орталық мемлекеттік органдар мен оларға ведомстволық бағынысты мемлекеттік мекемелер, жергілікті бюджеттен қаржыландырылатын атқарушы органдар және оларға ведомстволық бағынысты мемлекеттік мекемелер құрылған жағдайларға қолданылмайды.
Шенеунік бюджет қаражатына жиһаз сатып алған
Бөлісу
Бөлісу
Бөлісу

Осы жылдың 23-27 қараша аралығында «Ертіс – адалдық алаңы» жобалық кеңсесі «Ашық бюджет» жобасы шеңберінде «Ашық бюджеттердің интерактивті картасы» порталында облыстың мемлекеттік органдарының бюджеттеріне мониторинг жүргізді. Бұл туралы pavlodarnews.kz хабарлайды.

«Мониторинг нәтижесінде облыс қалаларының бірінің мемлекеттік мекемесі 96 000 теңгеге кеңсе креслосын сатып алғаны анықталды. Алайда ҚР Президентінің «Орталық, жергілікті мемлекеттік органдар мен квазимемлекеттік сектор субъектілеріндегі шығыстарды қысқарту жөніндегі шаралар туралы» 2020 жылғы 25 мамырдағы өкімімен жергілікті атқарушы органдар мен оларға ведомстволық бағынысты мемлекеттік мекемелерді қоса алғанда (ары қарай - өкім) 3 жыл мерзіміне кеңсе жиһазын сатып алуға тыйым салынды», - дейді жобалық кеңседе.

Кеңсе жиһазын сатып алу жөніндегі талаптар орталық мемлекеттік органдар мен оларға ведомстволық бағынысты мемлекеттік мекемелер, жергілікті бюджеттен қаржыландырылатын атқарушы органдар және оларға ведомстволық бағынысты мемлекеттік мекемелер құрылған жағдайларға қолданылмайды.

Осыған байланысты, мемлекеттік органға кеңсе жиһазын сатып алуға қолданыстағы тыйым салу туралы хабарлама жолданды. Хабарлама-хаттан кейін мемлекеттік сатып алуды жүзеге асыру кезінде заңбұзушылыққа, атап айтқанда, жоғарыда аталған өкімнің талаптарын сақтамағаны үшін жауапты лауазымды тұлғаға сөгіс түрінде тәртіптік жаза қолданылды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар