Жаңалықтар 06.01.2021 сағат 16:20

Денис Теннің өлімі: сотталушы Жанар Толыбаева бостандыққа шықты

Үкім екі жыл бұрын 2019 жылдың 17 қаңтарында шығарылған еді.
Денис Теннің өлімі: сотталушы Жанар Толыбаева бостандыққа шықты
Бөлісу
Бөлісу
Бөлісу

Қазақстандық мәнерлеп сырғанаушы Денис Теннің өлімі бойынша қылмыстық іске қатысы бар сотталушы бостандыққа шықты. Жанар Толыбаеваның жазасының өтелмеген бөлігі бас бостандығын шектеуге ауыстырылды. Бұл туралы Қазақстан Жоғарғы Соты аппаратының Tengrinews.kz тілшісі жолдаған ресми сауалға берген жауабында айтылады.

Сотталушы Жанар Толыбаеваның қаңтарда Қылмыстық кодекстің 73-бабы негізінде жазаның өтелмеген бөлігін неғұрлым жеңіл жазаға ауыстыру туралы өтініш бергені белгілі болды.

"Алматы облысы Іле аудандық сотының 2020 жылғы 6 қаңтардағы қаулысы бойынша бұл өтініш қанағаттандырылды. Жазаны өтеуді бақылау процесі пробация қызметіне жүктелді", - делінген хабарламада.

Естеріңізде болса, Жанар Толыбаева 4 жылға бас бостандығынан айырылған болатын. Үкім екі жыл бұрын 2019 жылдың 17 қаңтарында шығарылған еді. Сол жылдың наурыз айында ол Алматы колониясында босанған болатын. Бір аптадан соң апелляциялық сот алқасы оны ең төменгі қауіпсіздік мекемесіне ауыстырған еді.

Естеріңізге сала кетейік, 2018 жылы 19 шілдеде Алматыда белгісіз біреулер Денис Тенді пышақтап кеткен болатын. Оқиға шамамен 15.00-де Құрманғазы мен Байсейітова көшелерінің қиылысында болған. Кейін қалалық ІІД өкілдері Денис Тенге автоұрылар шабуыл жасағанын мәлімдеді. Сөйтсек, спортшы ұрылардың үстінен түскен болып шықты. Жанжал кезінде спортшының аяғына пышақ тиіп, көп қан жоғалтқан. Кейін ол ауруханада көз жұмды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар