Бахрейнде жезөкшелікке салынған қазақ қыздары елге қайтарылды

"Бұл қыздар біздің дипломаттардың атсалысуымен ол елден шығарылды. Бүгін барлығы Қазақстанға оралды, олар Қазақстанда", - деді Жайнақов.

Айта кетейік, шілде айының соңында қазақстандық үш бойжеткеннің Бахрейнде жезөкшелік құлдыққа салынғаны туралы ақпарат тараған болатын. Қыздарды Оңтүстік Қазақстандағы қылмыстық топ елден шығарып жіберген.

"Бізге үш қыздың ата-анасы хабарласып, өз қыздарының Бахрейнде құлдықта жезөкше болып жүргенін айтты. Біз бұл ақпаратты құқық қорғау органдарына тапсырдық. Олар қыздардың мекен-жайын анықтаумен айналысты. Жеңгетайлар мен қыздар бір жерден екінші жерге жиі қоныс ауыстырғандықтан, оларды табу оңайға соққан жоқ", - дейді Қазақстанның Сауд Арабиясы мен Бахрейндегі елшісі Бақыт Батыршаев.