Ғаламторда Сириядан қазақстандық балалардың құтқарылғандығы туралы ВИДЕО пайда болды

Ұлттық қауіпсіздік комитеті Сириядан қазақстандықтарды қайтару бойынша бесінші "Жусан" арнайы операциясының видеосын жариялады, деп хабарлайды Stan.kz.

4 ақпанда Сириядан 12 адам үйге оралды: төрт ер адам, бір әйел және жеті бала, оның ішінде екі жетім. Олардың үйлеріне келуіне ҰҚК мен СІМ АҚШ пен басқа да халықаралық серіктестердің қолдауымен көмектесті.

Ұлттық заңнамаға және халықаралық міндеттемелерге сәйкес террористік іс-әрекетке қатысқан адамдар қылмыстық жауапкершілікке тартылады.

Жетім балалар жақын туыстарының қамқорлығына беріледі және мемлекет оларға барлық қажетті көмек көрсетеді. Әйелдер мен балалар оңалту және қайта әлеуметтендіру бағдарламаларына қосылады.