Жаңалықтар 21.04.2021 сағат 16:20

Қазақстанда коронавирусқа қарсы вакцинациядан бас тартқандарға айыппұл салына ма?

Желіде COVID-19-ға қарсы вакцинациядан бас тартқаны үшін айыппұл салынатыны жайлы ақпарат таратып жатыр.
Қазақстанда коронавирусқа қарсы вакцинациядан бас тартқандарға айыппұл салына ма?
Фото: ашық дереккөзі
Бөлісу
Бөлісу
Бөлісу

Қазақстандықтарға COVID-19-ға қарсы вакцинациядан бас тартқаны үшін айыппұл салынбайды, - деп хабарлайды Stopfake.kz. 

Telegram мессенджерінде қазақстандықтар COVID-19-ға қарсы вакцинациядан бас тартқаны үшін айыппұл салынатыны жайлы ақпарат таратып жатыр. Мұндай шаралар биыл жыл соңында қабылдана бастайды екен. Портал мәліметінше, бұл - фейк. 

ҚР Денсаулық сақтау министрлігі мәжбүрлі вакцинация және одан бас тартқаны үшін айыппұлдар салынатыны туралы ақпаратты жоққа шығарды.

"Бізде мәжбүрлі вакцинация жоқ және болмайды да. Біз бұл туралы бірнеше рет айттық. Мұндай хабарламалар - жалған ақпарат", - деді ведомство өкілдері.

Екпеден бас тартқаны немесе вакцина алуға мәжбүрлегені үшін айыппұл салу ҚР заңнамасына қайшы келеді. "Халық денсаулығы және денсаулық сақтау жүйесі туралы Кодекстің" 77-бабына сәйкес Қазақстанның әрбір азаматы "емделуге және басқа да медициналық араласуларды, оның ішінде профилактикалық екпелерді жүргізуге хабардар етілген келісім беруге немесе олардан бас тартуға" құқылы.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар