Жаңалықтар 17.05.2021 сағат 17:00

Алматы маңында 3 жасар қыз жүріп бара жатқан көліктен құлап түсті

Баланың құлаған сәті бейнетіркегішке түсіп қалған. Кейін видео әлеуметтік желілерде жарияланды.
Алматы маңында 3 жасар қыз жүріп бара жатқан көліктен құлап түсті
Бөлісу
Бөлісу
Бөлісу

Алматы маңындағы тасжолда жүріп бара жатқан көліктен 3 жасар қыз құлап түсті, - деп хабарлайды Tengrinews.kz

Баланың құлаған сәті бейнетіркегішке түсіп қалған. Кейін видео әлеуметтік желілерде жарияланды. Кадрларда көгілдір автокөлік қарама-қарсы бағытқа қарай солға бұрылатыны көрінеді. Бұрылып жатқанда тура жолдың ортасында көліктің алдыңғы жолаушылар есігі ашылып кетіп, ішінен кішкентай қыз құлап түседі. Ол бірден орнынан тұрып, не болғанын түсінбей айналасына қарап тұрады. Көлік жүргізушісі әйел адам болып шығады, ол сол сәтті тоқтап, балаға жүгіріп шығады. 

Алматы облысы ПД мәліметінше, оқиға 17 мамырда сағат шамамен 10-да Алматы облысы Іле ауданы Өтеген батыр кентінде болған. 

"Жедел-іздестіру іс-шараларының нәтижесінде патрульдік полиция ротасының инспекторлары көлік құралының жүргізушісін, құлап кеткен 3 жасар қыздың 32 жастағы анасын анықтады. Қыз сол уақытта көліктің алдыңғы орнында арнайы балаларға арналған орындықсыз және белдік тақпай отырған. Абырой болғанда қыз кездейсоқ жағдайда зардап шеккен жоқ", - деді полицейлер.

Hundai Elantra автокөлігінің жүргізушісіне қатысты ҚР ӘҚБтК-нің 593-бабы 1-бөлігіне сәйкес әкімшілік іс қозғалды, әйелге түсіндіру жұмыстары жүргізілді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар