$ 444.32 € 473.33 ₽ 4.76
Бұл туралы ҚР Ішкі істер министрлігінің ресми өкілі Нұрділдә Ораз онлайн брифинг барысында айтты, деп хабарлайды inbusiness.kz.
«Жуырда Бас прокуратура мен Сыртқы істер министрлігінің халықаралық комиссиясына сәйкес, ҚР Ішкі істер министрлігі жедел тергеу тобын Грузияға жібереді. Оның мақсаты - оқиғаның барлық мән-жайларын зерттеу және Грузия тарапымен сотқа дейінгі тергеу материалдары негізінде ақпарат алмасу», - деді ол.
Сонымен қатар ол Нұр-Сұлтан полициясы Грузияда қайтыс болған Қазақстан азаматының ата-анасы Әсел Айтпаеваның Мұрат Мейірбековке шара қолдану туралы арызына сүйене отырып, Қылмыстық кодекстің 128-бабы бойынша (Адам саудасы) сотқа дейінгі тергеуді бастағанын атап өтті.
«Күдікті тұтқындалып, Нұр-Сұлтан қаласының уақытша ұстау изоляторына қамалды. Сотқа дейінгі тергеу жалғасуда», - деді Нұрділдә Ораз.
Еске сала кетсек, 5 мамырда Тбилисиде көпқабатты үйлердің ауласынан қазақстандық Әсел Айтбаеваның мәйіті табылды. Кейінірек, қайтыс болар алдында бойжеткеннің зорланғандығы белгілі болды, Грузия полициясы жергілікті тұрғынды қылмыс жасады деген күдікпен ұстады. Сонымен бірге, Әселдің анасы қызының өліміне туысының қатысы бар екенін мәлімдеді.
