$ 446.49 € 475.38 ₽ 4.79
Алтыншы шақырылымдағы Мәжіліс тарап, депутаттықтан босаған соң Ақсу қаласына әкім болып тағайындалған Нұржан Әшімбетовтің есімі сот хроникасынан қайта-қайта жылтың етуде, деп жазады zakon.kz.
Сәуір айында әкімдік сүт-тауар фермасының үстінен арызданған, ал жақында Әшімбетовтің аймақ басшысына шағымданған екі арызы бары белгілі болды.
Алайда, белгілі болғандай, Ақсу қаласы әкімінің өзі де сотқа тартылып жатыр. Қазақстан Республикасы Жоғарғы Сотының сайтындағы сот кабинетінде талап-арызды қабылдау туралы 2021 жылғы 13 мамырдағы ұйғарым табылды. Демек, арыз 5 мамырда берілген. Бұл шағым ар-намыс, абырой мен іскерлік беделді қорғау мәселесіне қатысты.
Шағымданушы - Ақсу қаласы әкімдігі бөлімінің бастығы, ол Әшімбетовтің жүйелі түрдегі қорлықтары туралы айтады, бірақ дәлел ретінде ешқандай фактілер алға тартылмаған. Шағымданушының айтуынша, арызда сипатталған барлық оқиғаларды куәгерлер растай алады.
"Қаланың айналма жолдарының бірінде әкім Нұржан Кемерұлы Әшімбетов мені және "Горкомхоз" ЖШС директорының орынбасарын күшпен сүйреп, қоқыс үйіндісінің жанында тұруға мәжбүр етті және журналистерге: "Оларды суретке түсіріп, жемқор деп жазыңдар" деп бір мысал келтірген шағымданушы әкім осындай әрекеттермен үнемі айналысатынын айтады.
Естеріңізге сала кетейік, бұған дейін Интернетте Ақсу әкімдігі қызметкерлерінің ұжымдық үндеуі пайда болған еді. Сонымен қатар, олар Нұржан Әшімбетовтің жүйелі түрде мемлекеттік қызметкер этикасын бұзатындығына шағымданды. Апелляциялық шағым бойынша қызметтік тергеу жүргізілді, бірақ Әшімбетов онымен келіспей, ... сотқа жүгінді.
