$ 449.58  486.94  4.86

«Қоқыс проблемасы 2025 жылға дейін шешіледі» - экология министрлігі

20 мамырда экология министрлігі қалдықтарды энергияға айналдыру жобалары бойынша аукциондық сауда-саттық жариялады.
фото: inform.kz
фото: inform.kz

Қазақстанда қоқыс проблемасы 2025 жылға дейін шешіледі, деп хабарлайды ҚазАқпарат.

ҚР Экология, геология және табиғи ресурстар вице-министрі Ахметжан Пірімқұловтың төрағалығымен өткен жиналыс барысында қалдықтарды энергетикалық кәдеге жарату зауытын құрудың жоспары ұсынылды. Биыл Қазақстанның төрт өңірінде қатты тұрмыстық қалдықтарды бөлек жинауға арналған 7230 контейнер орнатылып, жалпы қуаты жылына 300 мың тонна болатын үш жаңа қоқыс сұрыптау кешені іске қосылады.

Қазіргі уақытта полимер мен аралас қаптама (тетрапак) қалдықтарын қайта өңдеу кешендерін салу бойынша жобалар конкурстық іріктеуден өтуде. Өңірлерде қалдықтарды бөлек жинауды дамытуға арналған нысандар іске қосылып, инфрақұрылымды дамытқанда 2025 жылға дейін қайталама шикізат (металл, пластик, шыны және пластик) өңдеу көлемін 30%-ға дейін жеткізуге мүмкіндік береді.

Қайта өңдеуге жарамайтын қалдықтар жаңа экологиялық кодекске сәйкес энергияға айналдыру («Waste to Enеrgy») зауыттарына жіберілетін болады.

«Қалдықтарды бөлек жинау және депозиттік-кепілдік жүйесін енгізу арқылы қалдықтардың 30%-ын қайта кәдеге жаратуға мүмкіндік береді. Қайта өңдеуге келмейтін қалдықтың 20% өртеуге жіберілмейді. Қалған қалдықтар қатты ластанған және бүгінгі таңда оларды жоюдың жалғыз жолы - энергетикалық кәдеге жарату болып саналады», - дейді экология, геология және табиғи ресурстар вице-министрі Ахметжан Пірімқұлов.

 «Waste to Energy» кешендерін Ақтөбе, Алматы, Өскемен, Нұр-Сұлтан, Қарағанды және Шымкент қалаларында іске қосу жоспарлануда. Зауыттардың құрылысы инвесторларды тарту есебінен жүргізу жоспарланған. Инвесторларға қойлатын басты талап

- Еуропалық Парламент пен Еуропалық Одақ Кеңесінің 2010/75/ЕО директивасының нормасына сәйкес түтін газын тазартудың бес сатылы жүйесін орнату. Болашақ зауыттар шығарындыларды бақылайтын автоматтандырылған жүйемен жабдықталады. Қазіргі уақытта жер учаскелерін беру және инфрақұрылым жүргізуге қатысты мәселелер пысықталуда.

«Болжам бойынша, алты зауытты іске қосу нәтижесінде 2025 жылға қарай қалдық өңдеу көлемін 30%-ға дейін жеткізуге мүмкіндік береді. Өртеуге келмейтін қалдықтар көлемі 20% құраса, қалған қалдықты энерегияға айналдыру жоспары тұр»,-делінген министрліктің хабарламасында.

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары