Еліміздің 11 өңірінде ауа райына байланысты ескерту жарияланды

Қазгидромет» РМК 13 маусымда ауа райының бұзылуына байланысты бірнеше өңірде ескерту жариялады, деп хабарлайды ҚазАқпарат.

Атап айтқанда, Алматы облысында> солтүстік-шығыстан жел соғып, екпіні 17-22 м/с артады. Кей жерлерде төтенше өрт қаупі сақталады.

Шығыс Қазақстан облысының>кей жерлерінде найзағай күтіледі. Жел солтүстік-батыстан, солтүстіктен соғып, күші 15-20 м/с артады. Бесқарағай ауданында өрттің төтенше жоғары дәрежесі күтіледі.

Қызылорда облысының> кей жерлерінде шаңды дауыл болжанады. Шығыстан, солтүстік-шығыстан жел соғады, күші 15-20 м/с жетеді. Күндіз өте жоғары өрт қаупі сақталады.

Түнде Ақтөбе облысының> кей жерлерінде найзағай күтіледі. Шығыстан, оңтүстік-шығыстан жел соғады, күндіз жылдамдығы 18 м/с күшейеді.

Қарағанды облысында> шығыстан, солтүстік-шығыстан жел соғады, кей жерлерде күші 15-20 м/с артады.

Күндіз Маңғыстау облысының> кей жерлерінде найзағай ойнап, солтүстік-шығыстан соққан желдің екпіні 15-20 м/с артады.

Павлодар облысында> өте жоғары өрт қаупі сақталады.

Түркістан облысының> тауларында күндіз найзағай күтіледі. Кей жерлерде шаңды дауыл тұрады. Солтүстік-шығыстан соққан желдің күші күндіз 25 м/с жетуі ықтимал. Кей жерлерде төтенше өрт қауіпі сақталады.

Күндіз Шымкент қаласында> солтүстік-шығыстан жел соғып, екпіні 15-20 м/с артады.

Батыс Қазақстан облысының> кей жерлерінде найзағай, бұршақ болжанады. Күндіз оңтүстікте 35 градус қатты ыстық күтіледі. Жел солтүстік-шығыстан соғып, күші күндіз 15-20 м/с жетеді.

Күндіз Жамбыл облысының> таулы және тау бөктерлі ауданында қатты жаңбыр күтіледі. 13-15 маусымда кей жерлерде найзағай, дауыл, бұршақ болжанады. 13-15 маусымда солтүстік-шығыстан жел соғады, кей жерлерде екпіні 23-28 м/с артуы мүмкін.