$ 444.22 € 476.38 ₽ 4.82
Қостанай облысының Қарасу ауданында тұратын ер азамат 26 жастағы қызын пышақтап өлтірді деп айыпталуда. Аталған істі Қостанай облыстық қылмыстық істер бойынша ауданаралық мамандандырылған соты қарап жатыр деп жазады Alau.kz.
Оқиға биыл 27 шілде күні Комсомольский ауылында орын алған. 1968 жылы туған ер азамат спирттік ішімдік ішкен соң ұйқыға жатады. Осы уақытта оның қызы үйіне құрбыларымен келіп, әкесінен қалған арақты ішуді жалғастырған екен. Айқай-шудан оянған үй иесі қызын алдымен "шуламаңдар" ескерткен. Алайда, жауап ретінде балағат сөз естіген соң еш ойланбастан асханадағы пышақты қызының кеуде тұсына сұғып алыпты. Алған дене жарақаты салдарынан жәбірленуші оқиға орнында көз жұмған.
